O Bosnerau

Os pirineos han estau obcheto de mitos y creenzias dende que os umanos abitan a Tierra, ye prezisamén a causa d'ista cordelera que a mitolochía aragonesa comparte personaches con atras como a basca, navarra y demás. 

Un d'istos personaches mitolochicos comuns ye o Bosnerau (Basajaun u Basajarau), un gigante con una aparienzia fisica umana u mui similar a la umana (diferenziando-se prenzipalmén por a suya enorme estatura) cubierto enteramén por pelo. Contan as chens d'o puesto que Bosnerau, amo y siñor d'as selvas, vive en el Pirineo dende muito dinantes que os umanos poblasen a tierra.

Bosnerau ye o protector d'as selvas y montañas que componen el Pirineo. Tot y con a suya aparienzia, no s'ha de tener-le miedo pus iste gigante tiene un carauter absolutamén benevolo, de feito, se conta que estió él qui mostró l'arte de l'agricultura, a ganadería y a recolezión d'elementos como a fusta u l'augua a los primers ombres y mullers d'a zona. Actualmén sigue aduyando a los umanos aprevenindo con chiflitos cuan s'aserca una tronada (para que se resguarden tanto os pastors como os ganaus) y d'atros periglos potencial.

Ye por ixo que, si t'aigas en os mons d'ista machica tierra y escuitas un chiflito no esbaruquías, pus no se trata más que de Bosnerau veilando por o bien d'istos.