A leyenda d'o gigante Silbán

Silbán yera un gigante que viviba en a comarca de Sobrarbe, cubierto enteramén por pelo tanto por a suya frondosa barba como por o suyo infinito pelo (pleno de pedullos seguntes as malas luengas) por o que infundiba bella temor en a chen d'o lugar. Amás, Silbán atemorizaba a los abitadors d'o lugar y les furtaba ganau. Viviba en una espelunga, conoxida como "Espluca de lo Silbán", en l'alto d'una paret vertical de peña calsina a la cuala dengún s'atriviba a puyar.

Un día, cuan se disposaba a furtar de nuevo ganau a lo lugar, veyió a lo luen a una choven pastorcilla clamada Marieta. Ella yera una alegre y choven pastora que cada día puyaba a la montaña ta cudiar d'as suyas uellas. O gigante la atrapó y la levó dica a suya espelunga, do pensaba abalar-la. Manimenos, Marieta, que yera mui intelichén, le ofrexió un trato: él no le mincharía y a cambio, ella cozinaría y acuriosaría a suya espelunga. Silbán azeutó.

Estioron pasando os días y o gigante empezó a encariñarse y a confiar en ella. Cada mañanada, Marieta le paraba un cuenco de lei y zepillaba a suya larga zerra, por ixo, con o tiempo, Silbán s'enamoró. A pastora, en cambio, nomás pensaba en poder escapar y tornar a la suya casa. 

Un maitín, cuan Silbán agún dormiba, s'escolgar d'a espelunga con una larga cuerda y corrió lo más rapido que podió dica o suyo lugar. Allí les contó a toz o que eba ocurriu. Cuan Silbán despertó y veyió que Marieta eba escapau la clamó y chiló desasperau "Marieta, Marieta, torna a oscar a mandileta!". Dezaga d'a marcha d'a suya amada, Silbán quedó aplanau y cada nuei chemecaba mientres deziba: "Marieta, Marieta, torna con yo, que no te faré treballar y te'n daré toz tos diyas lei y chullas pa zenar". As chens d'o lugar zelebraban a vuelta d'a pastora mientres se burlaban de Silbán

Cuan o gigante prengo fuerza, dezidió marchar a lo lugar a la trobada d'a mozet, pero os viellos d'o puesto aduyaus por Marieta eban parau un plan. En un pozal de lei, añadioron plantas y fruitos verenosos ta tender una trapa a Silbán.  Una vez plegó toz s'amagoron y Marieta, amagata, encomenzó a dezir: "Torna con yo Lo Silbán que no pas deixaré-te'n marchar"

En escuitar isto Silbán corrió en ixa direzión pero antes de trobar a la suya amada vió o pozal y, sin tasamén dudar, se lo bebió d'una sola chorrupada. 

Pon más acabar-se a lei a suya boca encomenzó a ennegrir-se y a suya respirazión encomenzó a estar cada vez más fuerte y sonora. Silbán corrió como podió, trepuzando-se la una y l'atra vez, dica plegar a la suya gruta. Una vez allí puyó, s'ocultó y soltó un chilo que fazió fuyir a toz os animals d'a zona.

Agún a día de uei dengún sabe si Silván murió u no, beluns han intentau colar-se en a suya espelunga pero no han aduto columbrar-lo ya que ista poseye una infinidat de galerías y cadolla, pero si un se troba en o Sobrarbe ye posible que escuite os lamentos de Silbán, que, ixalapau, clama o nombre d'a suya amada Marieta y le soplica que torne.