A fuen d'Aragón

En l’antigo Valle de Tena, en a residencia veranenca d’os Condes de Vinyaza viviba iste feliz matrimonio de conchunta con os suyos dos fillos y Celina, a orrera y institutriz d’os ninos. Un día de noviembre Celina decidió salir a dar una gambada por a redolada d’o palacete con os ninos, ella levaba un vestiu blanco de seda y paró a almirar o paisache una vez plegoron a la ribera d’o río Caldarés. Aquel paisache, que gosaba estar idilico, luciba absolutamén tetrico y escuro, o sol guaire amostraba un rayo de luz, os arbols ya no teneban fuellas y tasamén s’escuitaban animals.   Celina se quedó absolutamén ensimesmada mirando un au que volaba a la distancia, no sabeba bien si yera un ueitre, un alica u mesmo un cuervo. Mientres Celina decidiba o suyo veredicto sobre aquella au o carro d’os ninos encomenzó a descender endrezau ta lo río tanto ye asinas que cuan Celina tornó en sí os ninos ya yeran en l’aigua. En dar-se cuenta d’isto, Celina corrió ta lo río, manimenos, o suyo ve...

 En ista previa d'o famoso “Halloween” que ya se considera más americano que zelta, fablaremos sobre un suzeso ocurriu en Laspaúles (Uesca) que tenió como resultau l'asesinato de 24 mullers entre os meses de febrero y abril acusadas de broxería. Entre os sieglos XV a lo XIX a Inquisizión teneba a misión de “trobar y erradicar” as broixas que viviban en territorio español, manimenos, en os lugars más aislaus d'o pirineo aragonés como Laspaúles ista misión recayeba sobre conzellos munizipals (exentos de cualsequier tipo d'obchetiva pus teneban ya una opinión bien formada sobre os vezins d'o lugar) Pero zentremo-nos en os feitos, Cómo ye posible que en menos de tres meses 24 mullers isen enforcadas en un chico lugar de Ribagorza? En Aragón s'alentaba un ambién convulso, feba aproximadamén un año d'a decapitazión d'o Chustizia mayor d'Aragón Juan de Lanuza por orden d'o rei, Felipe II y, a la suya vez, l'exsecretario d'o monarca, Antonio Pére...

Os pirineos han estau obcheto de mitos y creenzias dende que os umanos abitan a Tierra, ye prezisamén a causa d'ista cordelera que a mitolochía aragonesa comparte personaches con atras como a basca, navarra y demás.  Un d'istos personaches mitolochicos comuns ye o Bosnerau (Basajaun u Basajarau), un gigante con una aparienzia fisica umana u mui similar a la umana (diferenziando-se prenzipalmén por a suya enorme estatura) cubierto enteramén por pelo. Contan as chens d'o puesto que Bosnerau, amo y siñor d'as selvas, vive en el Pirineo dende muito dinantes que os umanos poblasen a tierra. Bosnerau ye o protector d'as selvas y montañas que componen el Pirineo. Tot y con a suya aparienzia, no s'ha de tener-le miedo pus iste gigante tiene un carauter absolutamén benevolo, de feito, se conta que estió él qui mostró l'arte de l'agricultura, a ganadería y a recolezión d'elementos como a fusta u l'augua a los primers ombres y mullers d'a zona. Actualmé...

Iste año o panorama mosical en aragonés ye veyendo plegar a la suya fin un año repleto de nuevos treballos mosicals. Beluns d'os más destacaus han estau o tan asperau EP de La cara B de Uesca Rap de pueblo, o debut de Bandurrock con El rrock de la sierra u os nuevos senzillos de Gaire As zagueras vidas y O lapo. Por unatro costau, iste año tamién emos puesto desfrutar d'a vuelta d'un d'os grupos más famosos d'a mosica en aragonés; evidenmén somos fablando de Mallacán qui, o 16 de febrero d'iste año, dioron o campanazo anunziando a suya partizipazión en o Borina Festa d'AraInfo.  O grupo Au d’astí, por a suya parte, contina con a suya chira a falta de notizias nuevas a amán de prosimos lanzamientos. Sin duda asperamos con ansias nuevos treballos de toz os artistas aragoneses, pero en ista pachina asperamos espazialmén emozionaus novedaz de Mallazo, Au’dastí y, anque siga en castellano, o nuevo disco d'o gran Kase O. Entremistanto nomás queda tratar d'...

Silbán yera un gigante que viviba en a comarca de Sobrarbe, cubierto enteramén por pelo tanto por a suya frondosa barba como por o suyo infinito pelo (pleno de pedullos seguntes as malas luengas) por o que infundiba bella temor en a chen d'o lugar. Amás, Silbán atemorizaba a los abitadors d'o lugar y les furtaba ganau. Viviba en una espelunga, conoxida como "Espluca de lo Silbán", en l'alto d'una paret vertical de peña calsina a la cuala dengún s'atriviba a puyar. Un día, cuan se disposaba a furtar de nuevo ganau a lo lugar, veyió a lo luen a una choven pastorcilla clamada Marieta. Ella yera una alegre y choven pastora que cada día puyaba a la montaña ta cudiar d'as suyas uellas. O gigante la atrapó y la levó dica a suya espelunga, do pensaba abalar-la. Manimenos, Marieta, que yera mui intelichén, le ofrexió un trato: él no le mincharía y a cambio, ella cozinaría y acuriosaría a suya espelunga. Silbán azeutó. Estioron pasando os días y o gigante empezó...

Dó quedó l'Aragón d'o polvo, a boira, l'aire y o sol d'o que fablaba o nuestro Labordeta? porque yo nomás veigo ara macro rafal, lindano, trescoles, molins d'aire y panels solars. Poca chen cal saba o que nos pasa, tamién i hai poco intrés en o que ocurra en a "España vaziada" anque bueno, tamién tos digo: España vaziada, vaziada de qué? de chen? No, no nos entivoquemos. Son els os que son vuedos, tanta chen y garra se saluda, garra interactúa con l'atro, garra se mira! No, os vuedos no somos nusatros, a España vueda son els, pero vueda de corazón. No nomás nos han tirau o nuestro paisache, os nuestros servizios y, por tanto nuestra chen, sino que ara tamién nos tiran l'idioma. S'escudan en o "no, en Aragón se fabla castellano" bueno sí, se fabla castellano, pero por imposizión no nos olbidemos, pero no nomás se fabla castellano, aquí se fabla aragonés (amás d'una variedat de catalán) Afora, a existenzia y importanzia de l'a...